Donostia, 2017ko otsailaren 1a. Donostia Hiriko Kutxa Literatura Sarien 42. edizioa arautzen duten oinarriak argitaratu ditu Kutxa Fundazioak, eta Sariak eleberri eta olerki modalitateetarako deitu dira, euskaraz eta gaztelaniaz.

Olerki modalitatean errima, neurri eta gai askeko lanak aurkez daitezke, baina gutxienez 800 bertsokoak; saria 15.000 euro eta garaikurra. Eleberri modalitatean, gai eta narrazio askeko lanak, gutxienez 150 foliokoak; saria 25.000 euro eta garaikurra. Sariak salbuetsita daude PFEZ ordaintzetik, Gipuzkoako Foru Aldundiaren erabakiz.

Donostia, 2017ko urtarrilaren 31. Onkologikoak “Minbiziaren aurkako Mundu Eguna” ospatuko du datorren otsailaren 4an, eta horretarako ostiralean, hilaren 3an, nutrizioari eta minbiziari buruzko jardunaldia egingo du.
Ostiralean, 13:00etan, doako sarrerarekin, Onkologikoa-ko Auditoriumean espezialisten hiru hitzaldi eskainiko dira, eta ondoren, solasaldi irekia izango da bertaratzen direnekin.

Donostia, 2017ko urtarrilaren 19a. Kubo Kutxa aretoak ere amaiera emango dio Donostiaren Europako 2016 kultura-hiriburutzari. Datorren igandean egingo du hori, Ricardo Martín. Argazkilari eta ikuslea erakusketa, aretoaren programazio bereziaren erakusketetako azkena, amaitzen duenean, joan zen azaroan ireki zenetik 45.000 ikusle izan dituelarik. Ricardo Martín argazkilariari eskainitako erakusketak Marta Cárdenas margolariarekin hasi eta Gonzalo Chillida eta Jesus Mari Lazkanorekin -hauek ere margolariak- jarraituriko programazioari emango dio amaiera.

Donostia, 2016ko abenduaren 20a. CAFen akzioen %2 erosi du Kutxa Fundazioak, gaur arte Kutxabankek zeukana. Ezarpen pribatu gisa eta merkatuko prezioan egin da eragiketa. %2 horren merkatuko balioa 25 milioi eurokoa da.

Kutxa Fundazioaren jarduketa honek bere ondare-inbertsioak dibertsifikatzeari dagokionez Plan Estrategikoan ezarritakoari erantzuten dio eta, aldi berean, Gipuzkoarekin eta gure probintziaren garapenean inplikaturiko konpainiekin duen konpromisoari loturik dago.

Honela, egungo Kutxa Banku Fundazioak, Gipuzkoako eta Donostiako Aurrezki Kutxa izan zena eraldatzearen emaitza denak, sendotu egiten du Beasaingo enpresarekin izan duen lotura historikoa, horren bilakaeran zeregin erabakigarria izan duelarik gaur egungo egoerara ─hau da, trenak egiteko sektorean lider izatera─ iritsi arte.

Donostia, 2016ko abenduaren 15a. Datorren ostiralean, Donostiako Antzoki Zaharrean 19:30etik aurrera egingo den galan, Donostia Hiriko Kutxa Literatura Sariak, 53. edizioan, emateko ekitaldia izango da.

Joan zen urtarrilean egin zen deialdia kontakizun- eta antzerki-modalitateetan, bai euskaraz eta bai gaztelaniaz, eta erabakia irailean eman zuten jakitera epaimahaiek: gaztelaniazko modalitateetan, Madrilgo Francisco López Serranok irabazi zuen kontakizun-liburuen atalean “Un momento señor verdugo” lanarekin, eta Murtziako Raquel Pulidok antzerkikoa, “Memoria de prácticas” lanarekin. Bestalde, Gipuzkoako bi idazlek irabazi zituzten euskaraz idatzitako lanentzako sariak bi modalitateetan: Aritz Gorrotxategi Mujikak “Zer egingo dugu orain opariekin?” kontakizun-liburuarekin, eta Luis Elizetxea Iturburuk “Argiaren hautsa” antzezlanarekin.

Donostia, 2016ko abenduaren 14a. Donostiaren Europako Kultura Hiriburutzaren urtea amaitzear dagoenean, datorren ostiralean, eguerdiko 12.30ean, Ruiz Balerdi aretoan, Tabakaleran, Kutxa Fundazioak Donostiari buruzko Azterketa Historikoen Buletinaren beste liburuki bat aurkeztuko du: 49.a.

Betiko ildoari jarraituz, liburu hau garbi bereizitako bi ataletan banaturik dago: Azterketak eta Oharrak. Lehenengoak egileen ekarpen gutxi-asko luzeak jasotzen ditu; Oharretan berriz ekarpen txikiak daude historia donostiarraren alderdiren bati buruzkoak.

Donostia, 2016ko abenduaren 13a. Kutxa Kultur Plaza erakustokiak bere burua berrasmatu eta bihartik -asteartea, hilak 13- urtarrilaren 8ra arte, argazki-erakusketa berria eskainiko du: Karakorum, Baltistan Fundazioak sustatua.

Erakusketa honetan ikusgai dauden argazkiak, Bilboko Mikel Alonso argazkilariarenak, 2014ko irailean egin ziren Hushé haranean, Pakistanen, Baltistan Fundazioaren borondatezko langileekin egindako bidaian.

Bergara, 2016ko abenduak 2. Ireki da epea Debagoieneko eta Debabarreneko enpresetan prestakuntza praktikoa jaso ahal izateko 30 beketakoren bat eskatzeko, Murua Balzola Fundazioak finantzatu, Kutxa Fundazioak kudeatu eta Bergarako UNEDek antolatuta. Lanbide-eskarmenturik gabeko gazte tituludunentzat dira bekak, lan-merkatuan sartzea erraztu eta onuradunen enplegu-aukerak areagotu nahi dituzte. Bost hilabete (2017ko otsailetik ekainera) iraungo duten praktikak prestakuntza-ikastaro batez osatuko dira.

Donostia, 2016ko abenduaren 1a. Alberto Schommer… modernitaterantz, gasteiztar artistaren lanaren erakusketa osoa, Kutxa Kultur Artegunearen erakusketa-proposamena da Kutxak Tabakalera eraikinean duen areto berriaren bigarren urtean. Lehenengo urtea oso-osorik Historia partekatuak. XX. mendea Kutxa bilduman erakusketak hartu du, 102.262 pertsona izan direlarik ikusten.

Donostia, 2016ko abenduaren 1a. Onkologikoak eta Musikenek proiektu berritzaile bat partekatuko dute datozen lau urteetan, Musikoterapiaren eremuko ikerketa-lan baten parte gisa. Hori dela-eta, asmo handiko lankidetza-hitzarmena izenpetu dute biek, eta horren edukia gaur goizean azaldu dute hedabideen aurrean bi erakundeetako zuzendari nagusiek: Miren Iñargak, Euskal Herriko Goi Mailako Musika Ikastegiaren izenean, eta Ander Urrutikoetxeak, Kutxaren Onkologia Institutuaren izenean.

Donostia, 2016ko azaroaren 25a. Kutxak gaur aurkeztu du laguntzak eskatzeko bigarren deialdi irekia, Gipuzkoako elkarte eta erakundeek 2017an egin nahi dituzten gizarte- eta kultura-proiektuetarako. Lehenengo deialdian, 2016an gauzatzen ari direnentzat egindakoan, laguntzak eskatu zituzten 302 elkartek aurkezturiko proiektuetatik 147 aukeratu ziren.

Donostia, 2016ko azaroaren 3a. Marta Cárdenas, Gonzalo Chillida eta Jesus Mari Lazkanoren pintura-lanari eskainitako erakusketen ondoren, kubo-kutxa aretoak Ricardo Martíni eskaini dio, Europako kultura-hiriburutzaren urtea dela-eta egin duen programazio bereziko laugarren erakusketa. Kubo-kutxa aretoak berreskuratu duen argazkilari honen lana ezaguna zen, Donostiaren argazkiak egin baitzituen hiriburua bere urrezko aroetako batean zegoenean, baina bera oharkabean geratu izan da egile gisa.

Donostia, 2016ko azaroaren 2a. Datozen ostiral eta larunbatean, azaroaren 4 eta 5ean, EAE, Nafarroa, Errioxa eta Aragoiko kirurgia plastikoko Elkarteak (SVNRA) XLI. Bilera egingo du, eta 75 profesionalek hartuko dute parte.
Bilera honen ardatza bularraren berregite mikrokirurgikoa da (DIEP) eta horren garatzaileak, Martyn Webster doktoreak (Canniesburn Hospital, Glasgow), topaketan parte hartuko du eta hitzaldi bat emango du.

Donostia, 2016ko urriaren 26a. Donostiaren kultura-hiriburutza dela-eta, Kutxa Fundazioa hiriko kultura-hitzordu nagusietako bati atxiki zaio: Beldurrezko eta Fantasiazko Zinemaren Asteari, alegia. Bere 27. edizioan, Astea Japoniako zinemaren ingurukoa izango da, dagoeneko unibertsala den iruditeria eraiki baitu.

Honela, Kutxa Kultur Plaza erakusketa-gunean (Tabakalera eraikineko 4. solairuan) 2016ko urriaren 27tik abenduaren 11ra bitartean Momotaro (Kamishibai istorio bat) proiektua izango da ikusgai, Judas Arrieta artistak eta Harkaitz Cano idazleak gauzaturiko proiektua. Bi sortzaileak Japoniako ahozko tradizio bat, Kamishibai deitua, berrikusteko eta egokitzeko elkartu dira.

Donostia, 2016ko urriaren 20a. 10:00 eta 20:00 arteko programa betea izango da datorren larunbatean, urriak 22, Tabakalera eraikineko bi gunetan, eta hor gauzatuko da Solidaritatearen 5. Foruma, Gipuzkoa Solidarioak ─Gipuzkoako elkarteak elkarrekin komunikazioan jarri eta egiten dituzten jarduerak gehiago ezagutzen laguntzen duen sareak─ sustaturikoa. Forumaren programa eta lortu nahi dituen helburuak gaur, osteguna, goizean aurkeztu dira Ruiz Balerdi aretoan.