- Xehetasunak
- Kategoria: Prentsa oharrak
Ekainaren 27tik irailaren 1era arte Donostiako Kutxa Fundazioko Eureka! Zientzia Museoko Newton Aretoan erakusgai jarritako erakusketa honek bidaia erakargarri bat egitera gonbidatzen zaituzte Espainiako historiaren zati batean barrena, jolas eta jostailuak erabiliz jostailuen eta zientziaren arteko lotura estua erakusteko.
Hautatutako pieza guztiak originalak dira, 1880tik 1980ra bitarte Espainian eginak. Quiroga–Monte bildumatik hartu dira, hain zuzen ere Espainiako bilduma esanguratsu eta osoenetako batetik (1500 aletik gora dauzka gaur egun).
Erakusgai jarritako pieza guztiek haurtzaroa ekarri nahi dute gogora, bisitari heldua bere haurtzaroko oroitzapenetara hurbilduz garai batean eduki, partekatu edo desiratu genituen jostailu eta jolas zientifikoen eskutik. Aldi berean, haurrei helduen mundu ludiko-zientifikoa aurkitzeko aukera ematen zaie, garai batean ere, orain bezala, jolasa bizitzeko ikasbidea zelako.
- Xehetasunak
- Kategoria: Prentsa oharrak
Kutxa Fundazioak historia bitxia izan zuen Vivian Maier argazkilari bikainaren lan sorta berri bat dakar Donostiara.
Vivian Maierrena historia berezia da, hil ondoren egin baitzen ezagun argazkilaria. Ez zuen inoiz susmatu ere egin bere lanek izango zuten arrakasta. Inork ez zuen inoiz, hura bizirik zela, bere argazkilaritzarako talentu bikaina onartu.
Guztira 135 argazki daude, eta inoiz Espainian aurkeztu ez diren 33 argazki biltzen ditu: aurkikuntza txiki bat.
- Xehetasunak
- Kategoria: Prentsa oharrak
Onkologikoa Fundazioak lankidetza-hitzarmena izenpetu du Kunsthal Arte Plastikoen eta Diseinuko Zentroarekin Espacio Voz (Ahots Gunea) ezartzeko; gaixoentzako gunea da, erabiltzaileen premia edo beharrizanei erantzungo diena baterako sorkuntzaren metodologia bidez.
Hitzarmen hau gaur izenpetu da Donostian eta ekitaldian Onkologikoa Fundazioaren ordezkari gisa bere zuzendari zientifiko eta gerentea, Ander Urruticoechea Ribate, izan da, eta Kunsthalen ordezkari gisa, bere zuzendaria, Gaizka Zuazo Ruiz (irudian).
- Xehetasunak
- Kategoria: Prentsa oharrak
Ciaboga-Ziaboga dokumentala, Kantauriko itsas ertz osoko traineruen mundua jasotzen duena, datorren ostegunean, ekainaren 20an, emango da 19:30ean Eureka! Zientzia Museoko Newton aretoan, sarrera libre dela jarlekuak bete arte; Kutxa Fundazioaren adeitasunez izango da, Kutxatekako argazki zahar batzuk ere laga dituelarik dokumentala egiteko.
Emanaldian izango da Iñaki Pinedo zuzendaria, dokumental ospetsu batzuen egilea, adibidez, "El Hombre que murió dos veces", "La Escuela Fusilada" edo "Los Otros Guernicas", azken hau 2012ko Goya sarietarako hautatua.Halaber, proiekzioan izango da Ángel Obregón, arraunlari eta historialaria, proiektuaren dokumentazio-arduraduna, baita filmean parte hartzen dutenetako batzuk ere.
- Xehetasunak
- Kategoria: Prentsa oharrak
Kutxa Kultur prestatzen ari da udaz gozatzeko. Datorren larunbatetik, ekainaren 15etik, aurrera, Kutxa Kultur Gauak programak udako gauak girotuko ditu berriro, musika, dantza, antzerki, zenbait arte eszeniko eta bertako proposamenekin Zabaltza terrazan, Tabakalerako laugarren solairuan.
Eraikinaren teilatu lau edo zabaltzan, aurten ere, udako hilabeteez gozatzeko aukera izango da. Kutxa Kultur-etik -musikan, artean, modan, antzerkian, dantzan… bertako talentu amateurra sustatzeko plataformatik- Kutxa Kultur Gauetan parte hartzea proposatzen dizuegu. Ostiral eta larunbat guztietan, ekainaren erditik irailaren erdira, 20:00etan, gurekin giro lasaian magiaz eta talentuz beteriko ordu pare bat igaro nahi dituzuenok zatozte Kutxa Kultur Gauak-eko terrazara.
- Xehetasunak
- Kategoria: Prentsa oharrak
Alicia Sintes, Menorcako astrofisikaria, Donostiara etorriko da azken aldiotako aurkikuntza zientifikorik harrigarrienetako bati -grabitazio-uhinen detekzioari- buruzko hitzaldi bat emateko, berak ere parte hartu duelarik aurkikuntzan. Hitzaldia, “Grabitazio-uhinak: unibertsoa esploratzen”, ekainaren 5ean izango da, arratsaldeko 18:30ean Ruiz Balerdi Aretoan, Kutxa Kultur-en (Tabakalerako 4. solairuan) Zientziakutxa hitzaldi-zikloaren barruan; zikloa kultura zientifikoaren gune bat da, Donostia International Physics Center-ek (DIPC) eta Kutxa Fundazioak elkarlanean antolatua. Hitzaldia gaztelaniaz izango da eta sarrera doakoa jarlekuak bete arte.
- Xehetasunak
- Kategoria: Prentsa oharrak
Pasa den apirilaren 20an Manuel Beraza Olabarrietaren heriotza dela eta, Kutxa Banku Fundazioaren Patronatuak atzo egin zuen bilkuran Carlos Tamayo Salaberria izendatu zuen Kutxako presidente berri.
Carlos Tamayo Salaberria Ekonomia Zientzietan lizentziatua da Euskal Herriko Unibertsitatean eta Zuzenbidean lizentziatua Deustuko Unibertsitatean. Bestalde, Espainiako Bankuaren barruan Moneta Merkatuaren Azterketa Batzordeko kide izana da.
- Xehetasunak
- Kategoria: Prentsa oharrak
Gaur Donostiako kubo-kutxa erakustaretoan Lantegi. José Ramón Anda erakusketa inauguratuko da, bihartik abuztuaren 25ra arte irekia izango dena.
Erakusketak bere lanerako tokiaren izena darama: lantegi. Gune hori espazio zabala da, maketaz, materialez, makinez eta erremintez jositakoa, eta bertan egin eta pentsatzen ditu bere proiektu eta obrak. Bere lantegia ekosistema intimo bat da, eta bertan sortu du bere produkzio artistiko ia guztia, xehetasunez eta etengabe. Bere jaioterrian kokatutako lantegi horretan, gainera, ebanisteriarekin eta zurezko taillarekin lotutako familia-tradizioko lanaren memoria ere biltzen da.
- Xehetasunak
- Kategoria: Prentsa oharrak
BBK, Kutxa eta Vital fundazioek bihar, maiatzak 23, zabalduko dute 2019-2020 ikasturteko Erasmus bekak eskatzeko epea. Finantza Taldeak kudeatuta eta fundazio bankariek finantzatuta, beka ekonomiko hauen helburua da Europar Batasuneko goi mailako zentroetan ikasiko duten gazteei ikasturte osoa edota zati bat ordaintzen laguntzea. Bekak Kutxa, BBK eta Vitalen web orrietan eskatu ahal izango dira, ekainaren 30era arte.
- Xehetasunak
- Kategoria: Prentsa oharrak
2019ko Irun Hiriko Kutxa Literatura Sarien XLIII. ediziora 570 lan aurkeztu dira guztira, horietatik 531 gaztelaniazko eleberri eta olerki modalitateetan, eta 39 euskarazko eleberri eta olerki modalitateetan.
- Xehetasunak
- Kategoria: Prentsa oharrak
Museoen Nazioarteko Egunaren helburua da kontzientzia harraraztea jendeari museoak baliabide garrantzitsua direla kultura-trukerako, kulturen aberastasunerako, baita ezagutzak aurrera egin dezan, garatu eta handiagotu dadin ere. 40 urte baino gehiago dira maiatzaren 18an edo egun horren inguruan ekitaldiak eta jarduerak antolatzen direla egun hau ospatzeko, eta gero eta gehiago antolatzen dira; Kutxa Fundazioak ere bat egin nahi izan du ospakizun-egun honekin.
- Xehetasunak
- Kategoria: Prentsa oharrak
Egungo European Physical Society-ko (EPS) presidente Petra Rudolf-ek Donostia bisitatuko du aste honetan Donostia International Physics Center-ek (DIPC) gonbidatuta. Bere egonaldiaren helburua bikoitza da: ZientziaKutxa hitzaldien zikloaren barruan parte hartzea –maiatzaren 9an publiko orokorrari zuzendutako hizketaldia eskainiko du- eta maiatzaren 10ean DIPC-n ikertzaileei zuzendutako bi mintegi ematea.
ZientziaKutxa, Kutxa Fundazioak eta Donostia International Physics Center-ek antolatutako eta publiko orokorrari zuzendutako dibulgazio hitzaldien programa da. Bertan, gaur egungo zientzia gaiak eta interes berezia sortu ditzaketenak aztertzen dira lehen mailako zientzialarien eskutik. Bi instituzioek urteak daramatzate mota honetako dibulgazio hitzaldi-programak antolatzen zientzia gizarteratzeko. Honela, ZientziaKutxaren barruan, hilabatean behin hitzaldiak antolatzen dira Tabakaleran.
‘Emakumeak zientzian: ikuspuntu historiko bat’ titulupean, Petra Rudolf-ek iraganeko emakume zientzialariek egindako zenbait ekarpen garrantzitsu aztertuko ditu maiatzaren 9ko hitzaldian (Kutxa Kultur. Ruiz Balerdi Aretoa, 18:30), Erdi Arotik hasi eta XX. mende hasieraraino. Gainera, ikertzaile independienteek (Hildegard von Bingen, Trotula, Sybilla Merian, Laura Bassi, Caroline Herschel), senar edo anaia ezagunak izan zituzten laguntzaileek (Sophie Brahe, Marie-Anne Paulze Lavoisier) edota Emilie de Breteuil Marquise de Châtelet edo Maria Angela Ardinghelli bezalako itzultzaileek egindako lanaz ere hitz egingo du.
- Xehetasunak
- Kategoria: Prentsa oharrak
Igartubeiti Museoak eta Kutxa Ekoguneak “Istorioak belarrietara” kontakizun laburren V. edizioaren deialdia egiten dute. Deialdi honek idazketa euskaraz sustatzea eta zabaltzea du helburu, honakoan haur ipuinen generoa bereziki bultzatuz. Gainera, egitasmo honek kultur ondarearen inguruko lan modu berriak zabaldu eta parte hartze zein esperimentazio gune berriak sortzea du xede.
2019ko deialdirako aukeratutako gaia baserria eta paisaia da. Aurkezten diren kontakizunek gai hau jorratu beharko dute.
- Xehetasunak
- Kategoria: Prentsa oharrak
Y no ha quedado para nadie (Eta ez da inorentzat geratu) obraren irudia dago Donostiako kubo-kutxa aretoaren sarreran, eta Ametsa akabatzea erakusketa, maiatzaren 5era arte ikusgai izango dena, iragartzen du. Eta horixe izan da Carmen Calvo egileak Kutxa Fundazioari ematea erabaki duen obra.
- Xehetasunak
- Kategoria: Prentsa oharrak
A Whiter Shade of Pale. Erretratuak Herbehereetako argazkigintza garaikidean.
Erakusketak «rock progresibo» deritzona egiten duen Procol Harum taldearen abesti batetik hartu du izenburua eta, zehazkiago, haren abesti gehienen egile den Keith Reid-en pasadizo batetik. Reid festa batean zela, gizon batek berekin hizketan zen neska bati honako hau esan ziola entzun zuen: «zure zurbiltasuna zuritik harago doa». Esaldi hark ekarri zuen abestia, eta ondoren, Johnny Rivers edo Annie Lennoxek bertsioak egin zizkioten.
Erakusketak hiru argazkilari garaikideren lana biltzen du, hiruen arteko lotura Holandako barrokoaren tradizio artistikoa izanik. Hellen van Meene, Carla van de Puttelaar eta Sanne De Wilde-k erretratua ulertzeko eta postmodernitatearen urteetako argazkigintzaren praktika berrikusteko hiru modu desberdin aurkeztuko dizkigute.