Begoña Zubero argazkilari bilbotarraren lana datorren ostegunean iritsiko da Kutxak Tabakalera eraikinean duen Artegunea erakusketa-aretora. Jatorria Michelangelo Antonionik 1939an Cinema aldizkarian argitaraturiko artikulu batean duen GDP Gente del Po proiektua uztailaren 2ra arte izango da ikusgai.

Donostia, 2017ko otsailaren 20a. San Telmo Museoan, otsailaren 25etik martxoaren 26ra, esperientzia digital aitzindaria izango da oso bereizmen handiko arte-lanekin: hainbat erakunderen arte-bertsio digitalak ikusi eta beraiekin eragin-trukean aritzeko aukera izango dute ikusleek.

Proiektu hau prentsaurrekoan aurkeztuko da bihar asteartea, otsailaren 21a, 10:30ean Kutxaren Ruiz Balerdi aretoan, Tabakaleran, eta bertan Kulturako zinegotziak, Miren Azkaratek, Mikel Mendartek (Kutxa) eta ekimenaren sustatzaileak, Koldo Garcíak, hitz egingo dute.

Donostia, 2017ko otsailaren 14a. Kubo-kutxa aretoaren eskutik Miquel Navarroren lana lehen aldiz iritsiko da Donostiara; Navarro arte plastikoen sari nazionala izan zen (1986) eta «Espainiako eskultura berria» deiturikoaren ordezkari nagusietako bat da. Miquel Navarro. Irudizko arkeologiak erakusketak eskultore honen lana erakusten du bere arte-ibilbidean egindako pieza ikonikoen bidez, besteak beste bere Hirietako batzuk eta orain arte argitara eman gabeko pieza bat, Placón, 3,5 m-ko goratasuna duen eskultura handi bat, aluminio trinkoz egina.

Donostia, 2016ko abenduaren 12a. Kutxa Kultur Plaza erakustokiak bere burua berrasmatzen du eta bihartik -asteartea, hilak 13- urtarrilaren 8ra arte, argazki-erakusketa berria eskainiko du, Karakorum, Baltistan Fundazioak sustatua.

Erakusketa honetan ikusgai dauden argazkiak Bilboko Mikel Alonso argazkilariarenak dira, eta 2014ko irailean egin zituen Hushé haranean, Pakistanen, Baltistan Fundazioaren borondatezko langileekin egindako bidaian.

Bergara, 2016ko azaroaren 30a. Debagoieneko eta Debabarreneko enpresetan prestakuntza praktikoa jasotzeko hogeita hamar bekak lan-merkatura sartzen eta enplegu-aukerak gehitzen lagunduko diete lanbide-esperientziarik gabeko beste horrenbeste gazte tituludunei.

Murua Balzola Fundazioak finantzaturiko beka hauek bost hilabete irauten dute, 1.842 eurorainoko kopuruak dituzte, UNED-Bergarak antolatu eta Kutxa Fundazioak kudeatzen ditu.

Donostia, 2016ko azaroaren 29a. Onkologikoak eta Musikenek proiektu berritzaile bat partekatuko dute datozen lau urteetan, Musikoterapiaren eremuko ikerketa-lan baten parte gisa. Hori dela-eta, asmo handiko lankidetza-hitzarmena izenpetu dute biek, eta horren edukia hedabideen aurrean azalduko dute bi erakundeetako zuzendari nagusiek: Miren Iñargak, Euskal Herriko Goi Mailako Musika Ikastegiaren izenean, eta Ander Urrutikoetxeak, Kutxaren Onkologia Institutuaren izenean. Beraiekin izango da Pablo Berastegi, Donostia San Sebastián 2016 zuzentzen duena, erakunde honek babestu egiten baitu ekimena, hiriburutzarekin partekaturiko balioak ikusten dizkiolako.

Donostia, 2016ko azaroaren 29a. Abenduaren 1ean, ostegunean, 20:00etan, Tabakalera eraikineko Kutxa Artegunea aretoan, Alberto Schommer argazkilariaren erakusketa antologikoa irekiko da eta 2017ko martxoaren 19ra arte ikusgai izango da. Erakusketa honekin, Artegunea aretoak datorren urteko programazioari ekiten dio, urte oso-osoan argazkigintzari eskainiko diona.

Donostia, 2016ko urriaren 31. Ricardo Martínen argazkigintza kubo-kutxa aretora iritsiko da, azaroaren 3an irekiko den erakusketa handian. Areto honen laugarren erakusketa-proposamena da, aurten, Donostiaren Europako kultura-hiriburutza dela-eta, izan duen programazio bereziaren barruan.

Ricardo Martín. Argazkilaria eta ikuslea erakusketak, egile gisa erakusten digu bere lanaren bidez jada ezagun zena, eta prentsaurrekoan aurkeztuko zaie hedabideei ostegunean bertan, azaroaren 3an, 11:00etan, kubo-kutxa aretoan. Aurkezpenaren ondoren, Juantxo Egaña komisarioak bisita gidatua eskainiko die bertaratzen direnei.

Donostia, 2016ko urriaren 24a. Judas Arrieta artistak eta Harkaitz Cano idazleak proiektu bat gauzatu dute Japoniako ahozko tradizioan, Kamishibai deiturikoan, oinarrituta, eta Kutxa Kultur Plaza erakusketa-gunean izango da ikusgai, Tabakalera eraikinean.

Bi egileek beren erakusketa, Momotaro (Kamishibai istorio bat), eta erakusketarekin batera egingo diren jarduerak datorren asteazkenean, urriaren 26an, aurkeztuko dituzte 11:00etan, Ruiz Balerdi aretoan, Tabakaleran.

Donostia, 2016ko urriaren 18a. Gipuzkoa Solidarioak datorren larunbatean Tabakalerako eraikinean, Solidaritatearen Foruma (lehen, Solidaritatearen Jaialdia zena) egingo du bosgarren edizioan. Eremu honetan lanean ari diren 45 elkartek baino gehiagok beren proposamenak aurkeztu eta partekatuko dituzte.

Kutxa Solidarioaren ekimen honen egitaraua eta lortu nahi diren helburuak aurkezteko, prentsaurrekoa egingo dugu datorren ostegunean, urriaren 20an, 11:00etan, Tabakalerako Ruiz Balerdi aretoan, eta larunbateko Forumean beren gune propioa izango duten elkarteetako batzuek ere hartuko dute parte prentsaurrekoan.

Donostia, 2016ko abuztuaren 1a. Juan Luis Mendizabal, “Mendi”, Ascensio Martiarena-ren ikasle nabarmena, margolari oparoa da, eta bere paisaiak Gipuzkoako ehunka etxetako paretetan daude zintzilik. Paisaia horietako batzuk, Gipuzkoari eta Peruri buruzkoak, Kutxaren erakustoki berrian -Tabakalerako laugarren solairuan: Kutxa Kultur Plazan- izango dira ikusgai datorren asteartetik irailaren 11ra arte.

Bihar, abuztuaren 2an, 19:30ean, erakusketaren hasierako ekitaldia izango da hainbat jarduerarekin eta artistaren parte-hartzearekin.

Donostia, 2016ko uztailaren 19a. Jesus Mari Lazkano bergarar artistaren ehun lan baino gehiagok (formatu handiko margolan, marrazki, ohar-koaderno eta abarrek) beteko dute kubo-kutxa aretoa datorren ostegunetik, uztailaren 21etik, aurrera.

Lazkano. Ikusmira erakusketa ostegunean bertan -hilaren 21ean, 11:30ean- aurkeztuko zaie hedabideei aretoan bertan, eta artista bera eta Javier González de Durana komisarioa izango dira prentsaurrekoan, bisita gidatuan lagunduko dietelarik hedabideei. Hasiera-ekitaldi ofiziala ostegunean 20:00etan izango da.

Donostia, 2016ko apirilaren 18a. Gonzalo Chillidaren lehenengo atzera begirako erakusketa handia, margolari donostiarraren ibilbidea berrikusten duena, hasiko da datorren ostegunean, apirilaren 21ean, kubo-kutxa Aretoan. Ikusle guztientzat ostiralean irekiko da eta uztailaren 3ra arte izango da ikusgai.

Erakusketa hau aurkezteko, ostegunean, 11:00etan, aretoan bertan prentsaurrekoa eskainiko dute Alicia Chillidak eta Mikel Lertxundik, erakusketaren komisarioek, eta bisita gidatua egingo dute hedabideentzat.

Donostia, 2016ko martxoaren 2a. Kutxak Donostia Hiriko Kutxa Literatura Sariak berreskuratu ditu; aurten 53. edizioa izango da eta aldaketak egin dira lehiaketara deitzen diren modalitateetan.

Donostiako alkateak eta Kutxako zuzendari nagusiak bihar, osteguna, martxoak 3, goizeko 11:00etan deialdiaren oinarriak aurkeztuko dituzte Donostiako udaletxean; deialdia, Donostiaren Europako kultura-hiriburutzari lotua, 2016an gauzatuko da bere etapa guztietan.

Marta Cárdenas donostiar artistaren margolan, marrazki eta lan-koadernoek beteko dute kubo-kutxa aretoa datorren ostiraletik, urtarrilaren 15etik, aurrera. Kutxaren erakusketa-aretoak Europako Kultura Hiriburutzaren programa bereziari atxikita egingo dituen lau erakusketetako lehenengoa izango da hau.