ZientziaKutxa | Klima-aldaketa: guztioi dagokigun larrialdia?

Ostirala, 12 Maiatza 2023 18:00


Klima aldatu egin da gure planetaren historian zehar, baina gaur egungo aldaketek iraganetik bereizten dituzten ezaugarriak dituzte. Industria iraultzaren aurreko garaitik berotegi-efektuko gas kopuru handiak isuri ditugu atmosferara eta, hauek, klima sisteman aldaketa sakonak sortzen ari da, hala nola tenperatura globalaren igoera edo itsas mailaren igoera.

Aldaketa horiek, era berean, gizarte-, ekonomia- eta ingurumen-inpaktuak eragiten dituzte. Inpaktu hauek, gainera, bortizki larriak dira ardura txikien duten herrialdeetan. Baina, klima-aldaketa ba ote da guztioi dagokigun larrialdia?

Hitzaldi honen helburua galdera horri erantzuteko informazioa eskaintzea izango da, zientziaren ikuspuntutik. Horretarako, arazoaren jatorria eta orain arte egondako aldaketak aztertu, etorkizunean gerta daitezken agertokiak uztartu, eta inpaktuei aurre egiteko aukera batzuk aurkeztuko dira.

 

2023ko maiatzaren 12a, ostirala, 18:00
Lekua: Kutxa Fundazioko Ruiz Balerdi aretoa (Tabakalera, 4. solairua). Donostia/San Sebastián
Hizkuntza: euskara

Doako sartzea aforoa bete arte.
Hitzaldia streaming bidez emango da Kutxa Fundazioaren youtube kanalaren bidez.

Hitzaldi hau ZientziaKutxa. Gorri bizia esparruan eskaintzen da, Kutxa Fundazioak eta Donostia International Physics Center-ek (DIPC) antolatutako hitzaldi-zikloa


Hizlaria: Elisa Sainz de Murieta

Elisa Sainz de Murieta UPV/EHUko irakaslea eta BC3 Basque Centre For Climate Change ikerketa zentroko ikertzailea da.

Klima-aldaketaren arrisku eta politika ikertzen ditu, ikuspegi sozioekonomikotik. Elisak EHUn geologia zientziak ikasi eta ondoren Madrilen Ingurumen Ingeniaritza eta Kudeaketarako Masterra egin zuen. Bere ibilbide profesionala ULMA kooperatiban hasi zuen eta Eusko Jaurlaritzan ere Biodibertsitaterako zuzendari bezala aritu da (2005-2009).
Klima aldaketaren ondorio sozioekonomikoen ikerketan, Basque Centre for Climate Change (BC3) zentroan hasi zen 2010 urtean. London School of Economics-eko ikerlari bisitaria ere izan da (2017-2019). Egun, Euskal Herriko Unibertsitateko irakasle eta BC3ko ikerlari lanetan dihardu.


230512 klima aldaketa Saint Louis Elisa Sainz de Murieta 041


ZientziaKutxa postala 2023