Testuingurua
Klima
larrialdia
Larrialdi klimatikoa eta gizarte krisia denon ahotan daude egun, bai agenda publikoan, baita eragile sozialen agendetan ere. Etorkizun jasangarria lehen mailako erronka da. Gizartea aktibatzea ezinbestekoa da.
Hau guztia ez da berria. Baina agian ez gara jabetzen guztiok izan gaitezkeela aldaketaren parte. Zu bezalako gazteei zuzendutako eskaintza bat dugu. 6 hilabeteko jasangarritasun eta lidergo formakuntza-programa, Gazte Ekolider izatera iristeko.
Krisi egoera honen aurrean, ikusle ala eragile izan nahi duzu?
Gazte Ekoliderrak jasangarritasunean eta eraldaketarako lidergoan oinarritzen den formakuntza eta bizitza ibilbidea da. 20 eta 35 urte bitarteko gazteei zuzenduta dago. Gazteak gizarte eraldaketaren sustatzaile izatea nahi dugu. Aktibista izatea. Ekolider bilakatzea.
Gazte askok jasangarritasunaren inguruan kezka dugu baina ez dakigu nora jo. Gazte Ekoliderrak autoezagutza prozesu bat izan da ditugun gaitasunak deskubritzeko eta benetan gauzak aldatzeko indarra daukagula sinisteko.
IKUSI BIDEOANGazte Ekoliderren puntu garrantzitsu bat da ez dela soilik edukietan gelditzen, baizik eta martxan jartzeko erremintak ematea duela helburu.
IKUSI BIDEOANGazte Ekoliderrak programak bestela planteatzen ez dituzun gauza batzuei bueltak ematea eragiten dizulako gomendatuko nuke.
IKUSI BIDEOANGizarte mailan lider izateak oso konnotazio negatiboa dauka, baina prozesua zoragarria izan da. Pila bat ikasi dut, bai nire buruaren inguruan eta talde lidergoari dagokionez gure taldea non kokatzen den eta taldeko dinamikak eta ardurak ulertzeko laguntzen dizu. Oso aberasgarria izan da.
IKUSI BIDEOANAsteburu konbibentzialek harritu naute gehien. Proiektuen lanketara oso bideratuta egon dira baina era ez traidizional batean, autoezagutza dinamika asko egin ditugu… Gaitasun pertsonalen lanketa hori bai arlo profesionalean eta baita bizitzan ere oso ondo etorriko zaizkit.
IKUSI BIDEOANNiretzako Gazte Ekoliderrak sareak sortzeko formazio bat da. Bertan sareak sortzen dira proiektuak aurrera eramateko, denak helburu batekin eta hori oso polita da.
IKUSI BIDEOAN
Guztira 30 gazteek izango dute Gazte Ekolider formakuntzan parte-hartzeko aukera.
Matrikula:
300 €
*%10eko deskontua izen eatea irailaren 29a baino lehen egiten baduzu.
Matrikulak barne hartzen ditu 120 orduko formakuntzako hizlari eta mentorizazioaz gain, 3 egonaldietako pentsio osoa, irteeretako desplazamenduak, asegurua, talde ekintza eta proiektua gauzatzeko laguntza ekonomikoa eta akreditazio diploma. Ordainketa bi zatitan gauzatu daiteke.
Egitarautik kanpo ekintzara bideratuta dauden jarduera ezberdinetan borondatez parte hartzeko aukera.
Zu bezalako gazteak edota jasangarritasunaren arloan diharduten aditu eta profesionalak ezagutu. Saretu eta harremanetan jarri erronka planteatuko duten eragile eta elkarteekin zuzenean eta Kutxa Fundazioko talentuen programarekin.
Ezagutzetatik haratago, lan esparruan asko baloratzen diren gaitasunak garatu.
UPV/EHUko Uda Ikastaroak Fundazioak (UIK) ikastaroaren 120 ordu akademikoak jasoko dituen ziurtagiria (balio akademikoko 25 h. = ECTS kreditu 1).
Unibertsitateko irakasleak, aktibistak, elkarteak, erakundeetako ordezkariak, adituak, mendizaleak… Hezitzaile talde anitzari esker, jasangarritasuna eta lidergoa ikuspuntu ezberdinetatik landuko dugu.
Arduraduna eta taldearen gidaria. LEINN Lidergo Ekintzaile eta Berrikuntza gradua burutua (2014-2017). Hezkuntza proiektuetan ibili da, baso eskola proiektuetan, eta baso eskolako formakuntza du. 3 urtez Mahi-Mahi hezkuntza proiektuan aritu da pedagogía departamentuan lanean. Yogako irakaslea da. 2021-2022 Gazte Ekoliderrak edizioan parte hartu zuen, Ekolider sareko kide da eta taldearen gidari izan da azken edizioan.
Impact Hub Donostiaren sortzaileetako bat eta zuzendaria. Industria ingeniaria da, eta 10 urteko esperientzia du gizarte-berrikuntzarekin, ekintzailetzarekin, kulturarekin eta ekonomia zirkularrarekin lotutako proiektuak diseinatzen eta gauzatzen.
Impact Hub Donostiako proiektuen arduradun eta ekoberrikuntzako arduraduna. Zientzia geologikoetan lizentziatua da. Arrisku Geologikoen masterra burutu zuen (2010- 2011) eta ondoren Ekonomia Zirkularreko masterra (2021-2022). Esperientzia anitz ditu proiektuen kudeaketetan.
2016an Alemaniatik bizikletaz abiatu zen zakuto pare batekin. Pedalkadaz pedalkada deskribatzen duen beste hitz bat «konexioa» da. Bere buruarekin, inguratzen dutenekin eta planetarekin konektatzea bilatzen du. Prestakuntzari dagokionez, biologoa da garapen jasangarrirako eta Thinking Environment korronteko trebakuntzarekin. 2016. urtetik U Teoriaren eta erakundeen eraldaketaren baitan egiten du lan. 2022. urtean euskarako C1 titulua lortu zuen, gizarteratzeko eta konektatzeko bere nahiaren erakusgarri.
Naturkon-eko kidea. Naturaren Kontserbazia Gipuzkoan Gipuzkoako elkarte naturzale eta kontserbazionistak sortutako taldea.
Surfrider irabazi-asmorik gabeko erakundea da, lakuak, ibaiak, ozeanoak, olatuak eta itsasertza babestu eta hobetzeaz arduratzen dena. Gaur egun, 13.000 kide baino gehiagoz osatua, eta 12 herrialdetan jarduten boluntario-taldeen bidez. Surfrider-en hiru arlotan lan egiten du, esperientzia nabarmena lortuz azken 30 urteetan: itsasoko zaborrak, uraren kalitatea, kostaldearen garapena eta klima-aldaketa. Donostiako bulegoa ozeanoaren kontserbazioaren eta babesaren arloko adituek osatua du, komunitatearekin (ikerketa-zentroak, aliantzak eta beste erakunde/elkarte batzuk) eta boluntarioekin lan eginez.
.jpeg)
Kalapie Hiriko Txirrindularien Elkartea irabazi-asmorik gabeko txirrindulari Elkartea da. 1989an sortu zeneteik helburua, bizikleta hiriko garraiobide bezala sustatzea eta bere erabiltzaileen interes eta segurtasunaren defendatzea izan dira. Halaber, ingurugiroarekiko mugikortasun jasangarriaren eta aktiboaren defentsa da Kalapieren beste helburu bat.
Hizkuntzaren eta berrikuntzaren intersekzioan kokatzen da. Hizkuntzatik abiatuta, bi eginkizun ditu: euskararen biziberritze prozesuan berrikuntza txertatzea, eta berrikuntza prozesuetan hizkuntzaren aldagaia txertatzea. Badalaben helburua da esperimentatzea, eta berrikuntzatik ekarpena egitea euskara etorkizunean ere erabilia izan dadin; modu horretan sustatzen baitira hiztunen artean berdintasuna, errespetua, justizia soziala eta enpatia.
Asier Aranbarri Urzelai Gizarte Berrikuntzako zuzendaria da Trantsizioko eta Agenda 2030eko Idazkaritza Nagusian (Eusko Jaurlaritza). Zuzenbidean lizentziatua da eta EBko integrazio politiko eta batasun ekonomikoari buruzko masterra du. Azkoitiko Alkate, Eusko Jaurlaritzako Gobernantza Publikoko eta Autogobernuko aholkularia eta Lehendakaritzako Kanpo Harremanetarako Idazkaritza Nagusiko aholkularia izan da.
Aranzadi Zientzia Elkarteko Ornitologia zuzendaria. Migrazioa, populazio-dinamika eta biogeografia gaietan espezializatua. Ingurumen dibulgatzailea.
2014az geroztik UNESCO Etxea Euskal Herriko UNESCO zentroko zuzendaria. Jasangarritasunaren, hezkuntzaren, kulturaren eta giza eskubideen arloetan lan egiten du Euskal Autonomia Erkidegoan. Biologian lizentziatua.
EHUko Donostiako Ekonomia eta Enpresa fakultatean irakasle eta ikerlari lanetan jarduten du. Ekonomian doktorea da eta bere ikerketa lerroa Elikadura sistemak eta agroekologian kokatzen da; ikerketa-ikuspegia ekofeminismoa eta ikerketa-ekintza-partehartzailea metodologia oinarri hartuta garatzen du. Biolur Gipuzkoa elkarteko koordinazio taldeko kidea da.
Andoni Iriondo, 27 urteko gazte Donostiarra, Ekoliderra 2023ko edizioan. Zientzia Politikoak ikasi ostean, Batzar Nagusietan aritutakoa eta ondoren ELA sindikatuan. Jasangarritasunaren bidean urrats berriak eman nahian, Europarako bidea hartu berri du.